Translate

Showing posts with label John Elia. Show all posts
Showing posts with label John Elia. Show all posts

Woh Nahi Tha Meri Tabiyat Ka.....


Woh Nahi Tha Meri Tabiyat Ka....

Na rawa hai sukhan shikayat ka...woh nahi tha meri tabiyat ka...

Dasht mein shehr ho gaye abaad...Ab zamana nahi hai wehshat ka...

Waqt hai aur koi Kaam nahi...Buss Maza le raha hun Fursat ka...

Main agar tazkra krun to krun...Kiss ki zulfon ka, kiss ki qaamat ka...

Mar gaye khwaab sab ki aankhon k...Her taraf hai gila haqeeqat ka...

An mujhay dhyaan he nahi aata...Apnay honay ka, apni haalat ka...

Tujh ko paa ker zyaan hua hum ko...Tu nahi tha hamari qeemat ka...

Subh se shaam tak meri duniya...Aik manzar hai us ki rukhsat ka...

Kya Btaon k zindagi kya thi...Khwaab thi, Jaagnay ki haalat ka...

Kehtay hain Intehaaye-e-ishq jisay...Ik faqat khail hai Murawwat ka...

Aa gae Darmyaan Rooh ki baat...Zikr tha Jism ki zrurat ka...

Thook ker khoon Rung mein rehna...Main hunar-mannd hun aziyyat ka...

Zindagi ki ghazal tamaam hui...Qaafiya reh gya mohabbat ka...

 By John Elia.....